Great Encouragement

由昨晚開始, 就開始緊張起來...腦內不停排練著今天開會時要present的內容。
今天一早會議便進行, 與會者除了有Branch Management 的高層外, 還有我的上司, 我上司的上司, 一連八人在會議室內車輪了一個早上。 這次會議對我來說很重要, 我要做得最好, 目的不只為了給上司留下好的印象, 而最重要是我想證實給阿Sir看, 他當初花了那麼多功夫把我轉到CVM是一個對的決定。結果, 我做到了。

午飯過後, 阿Sir走到我身旁對我說 "你今天的表現很好好,講野好有confidence, 有point, I like this look" 雖然只是簡單的幾句說話, 卻給予我很大的鼓舞。 每當你收到我send出來的analysis, updates, 或只是一則email, 你總會前來向我提點或讚賞一番, 作為後輩的我該如何感激你呢？

下午, 現在的上司給我做了appraisal, 所有都是讚讚讚, 哈哈, today is a good day! 我會繼續努力！

在工作的路上, 我總覺得我是幸運的一個。謝謝支持我的每一個人, 還有你...特別謝謝你今早教我的心態準備。 = >

畢業照

畢業照對我來說, 最大的意義在於和同學們留下最尾,及最美的回憶。
如果給我去排序, 我會將一班曾經共同進退去完成每一個project的同學的priority放到最前, 然後再到朋友或其他人。
一看見便能勾起悲喜交集片段的照片, 才是我追求的畢業照。

Baby

Baby, 你現在是否正在彩虹橋快活地玩耍著呢？Lafite是否你其中一位朋友仔？ 她最愛漂亮和撒嬌的, 你要好好的對待她和保護她知道嗎? 如果她喜歡你的話, 便會用她雪白的尾巴在你的頸和身上掃, 軟棉棉滑溜溜的, 很舒服....
我們在這裡都很好, 你不用掛心.....盡情地享受你自由自在的新生活吧! 寶寶看來還未習慣你不在他身邊和他吵架, 靜靜地想念著你....不打緊, 我們始終會有一天會再相遇的....永遠懷念你....baby......

行山樂 - 元荃古道

今天我們去了行元荃古道。

每次去郊遊前的心情都份外興奮, 今天也不例外。 一早我們吃過早餐, 便乘地鐵往荃灣, 然後再轉搭39M往古道的入口進發。
在開始的一段路有很多石階(又是石階...-_-!!), 上到半山後, 便開始一段漫長的斜路上山...雖然沿途都沒有樹蔭遮擋, 幸好今天的天氣非常好, 風和日麗, 所以也不致於太辛苦，而且一路上的風景優美, 實在有種心曠神怡的感覺。 之後我們開始下山, 要經過一段徒斜非常的山路才能繼續前進....那段路由於滿佈枯葉又斜的關係, 故十分滑和難行, 最可怕的還是兩邊不停yung yung叫的蜜蜂，幾經辛苦才能擺脫牠們把那段路走完....回想起都覺得很可怖呢...我實在太怕這些小昆蟲了...

我們途經石龍拱,過了田清橋,便到?了田夫仔營地, 享受我們的小吃午餐。吃飽飽後, 我們便繼續上路, 不久便到達清快塘村。那條村裡有個伯伯, 身邊兩個大雪櫃, 他每見到路人都會喊"有冰凍汽水賣呀!"和mark哥網頁說的一模一樣呢!

最後, 我們的終點站為深井, 全程用了四個多小時。 為左慶祝我們順利完成了今天的行山活動, 我們當然不會錯過深圳燒鵝啦! yeah~~~~ 今天很快樂!!我們下次又去行山吧!

行山樂 - 魚則魚涌至大潭水塘

病左幾日, 今日出左去行山, 真係人都精神d! 爽呀!
同班碩士同學仔, 一行五人大清早就係魚則魚涌出集合, o係大家藥'咬個老早'後就浩浩蕩蕩咁由柏架山道口出發。行左冇幾耐, 阿Mio就靜靜雞行埋黎同我講組長問佢仲咩唔去西頁喎! 哈! 都話組長o係email到講到咁想去西貢, 咪就下佢老人家去西貢囉? 今次我地仲揀左個咁鬼死近佢屋企既路線, 佢覺得唔似郊外喎！不過算把啦, 我地都仲大把機會去行既, 下次再去過西貢囉?

睇Mark哥個網頁 -《 柏 架 山 樹 木 茂 密 ， 並 長 有 各 種 果 實 樹 木 及 各 種 野 生 動 物 如 松 鼠 、 野 豬 、 蛇 等 。但係行畢全程以上一樣都見唔到喎！反而狗就有好多！ 先有小肥八哥同大肥八哥, 跟住又有芝娃娃啦, 北京狗啦, 史立莎啦, 松鼠啦, 玩具狗啦,好大o個d唔知咩狗啦, 好多好多狗呀！見隻肥八哥跑到上氣唔接下氣, 然後突然扒地抖大氣, 跟住又跳入個水tum仔梳乎個lum樣, 真係好惹笑呀!! 哇哈哈~~

上左一條好斜既石階, 感覺就好似踩緊樓梯機咁,中途要休息三次先上到去畢拿山最頂! 不過上到去真係超靚呀! 好高咁望落去d景色好優美, 真係不枉爬o個幾百級石級! 不過落級時, 組長突然又爆笑, 講埋d咩"七步半", 笑到差d失足碌落山...最後為左安全起見, 都係同佢換一換位, 佢o係我前面我感覺會安全d =P

行到去水塘, 見到有好多魚魚, d人掉d麵包落去, d魚就一堆咁擁埋去, 但係側邊隻游蛙式既大大龜游極都食唔到d包包, 最後仲摺埋添呀! 真係慘..唔知佢平時食咩架呢~


我地總共用左三個幾鐘頭行完全程, 然後去赤柱露台餐廳去食午餐...依然係五個Special, 即時令我諗起"再黎六水潤喉先", 果然係騎呢組! 食完飯仔, 去Jenny Bakery買小曲奇做手信, 咁就完結左我地今日既行山樂喇!

番到黎屋企, 一俾人見到就話我黑左好多....睬~~~唔係掛...出去行幾個鐘咋喎...黑左好多??弊喇.....又要等佢白番....

南生圍

一份By Hand的禮物

實在沒有想過會收到這樣一份禮物...
知道你忙碌了很多個晚上去完成這個"大project"
也知道你拆完又織, 織完又拆地去令這件毛衣更加完美
真的很感動...不知道應怎樣多謝你..
我想我倆也不需有太大講出口的客套說話, 一切在心中吧!
感激你...