為左同Janet預祝生日, 我地幾個中學同學尋晚就約左出黎聚聚舊, 地點係IFC 的Isola.
每次去呢D"高級" 餐廳食飯, 總係覺得周身唔自在...又唔可以著得太求其, 又唔可以太嘈, 個餐牌又大部分都睇唔明...
在IFC三樓兜黎兜去終於搵到間餐廳....入到去..九成坐o係到既都係鬼佬...一坐低睇個餐牌...oh my god...可唔可以多幾粒英文字呀唔該...?!
連個categories都係意大利文..真係"鬼"識睇....我淨係睇得明"Pizza"呢個字....所以都諗住叫硬pizza...
一心諗住propose呢間既同學仔應該黎過呢間餐廳...起碼都叫到幾個dishes...點知...原來佢未黎過...淨係聽人地話呢個餐廳好ok....聽完已經標晒冷汗啦.....當我地不經不覺已經睇左個menu成20分鐘既時候...個waiter已經徘徊左幾次想問我地可以order未...但係...實在冇乜菜式睇得明....o係呢個時候...其中一個竟然勇到爆咁yap個waiter哥哥埋黎話我地睇唔明個menu...叫個waiter遂樣遂樣同我地解釋係d咩菜式.....救命呀...咩事呀!!!....我真係覺得好肉酸....想即刻走...個waiter應該都俾我地嚇左一下, 跟住又好醒目兼笑笑口咁同我地介紹下D special...真係好彩個餐廳都有d chinese waiters..如果唔係就死得啦....
其實...大家出黎食飯飯都係為左聚舊同埋開心下...我諗去番平時去開既地方大家都唔會介意...會仲開心d...自己唔係o個個階層既人..死"沖"最終亦只會令自己出洋相....不過我都明白負責統籌這次生日會飯局的同學仔其實係出於一份熱心, 想為birthday girl安排一頓難忘的晚餐...今次一定最"難忘"啦! 哈哈哈!
Subscribe to:
Post Comments (Atom)
2 comments:
嘩哈哈~~乜餐飯搞成咁呀?
o個位同學我都估到係邊位喇~ 但實在係太搞笑, 其實唔使話俾人知唔識睇個menu o者, 可以問對方有咩recommendations, anything special, 咁咪得囉, 而家咁, 又真係幾肉酸o既! 唔使驚, 再約丫~ 我地去d識嗌餸名o既地方! ^-^
佢yap 個waiter埋黎時, 我都諗住佢會問個waiter有咩special好介紹...點知佢真係抵死到同人講睇唔明個menu..你話係咪搵lone捐丫....你都唔知o個一刻我幾咁掛住你...有你o係會好好多啦....
Post a Comment