為左表示大家既心意, 我地各自都下廚一番同大家一齊分享....
Alex- 西蘭花炒蝦球鮮魷 + 腐乳通菜炒牛肉
Iris- 粟米魚肚羹
Ivy- 日式Pizza
Bonnie- 菠蘿腸仔 + 雙色o者喱
2ling- 韮菜餃子 + Tiramisu
一次過能夠品嚐咁多位同學仔既廚藝真係開心喇...好彩小妹都揀左d比較簡單既菜式...總算冇失手...見大家食得咁開心, 我都好高興呀!!嘩哈哈!!
除左玩煮飯仔, 我地仲黎左場激烈既電子版大富翁大賽, 估唔到原來電子版既monopoly係咁過癮...不過...我最終還是慘敗收場...力保'市中心' 失敗...最搞笑係bonnie可能受唔到第一個被foul出局既刺激, 玩完後竟然突然間個頭劇痛, 需要立即食止痛藥同埋上客房張床休息!! 好彩見佢訓完一個小覺得成個生猛番晒...如果唔係真係嚇死!
真係要特別鳴謝alex今次借出佢既屋俾我地狂歡一整日, 知道佢之前用左好多時間去整理同打掃間屋...真係幾感動..同埋真係諗唔到一個番鬼仔竟然煮d中餐咁好有準, 好勁呀!!
組長, 希望你鐘意我地今次送俾你既生日禮物, 同埋所有既安排啦! 再次祝你生日快樂! =>
拆禮物前影張相仔先!!
究竟係咩黎架呢...
組長: Yeah!! 竟然咁大個仔都收到大富翁遊戲!!
靈魂所在...電子計算器
Ivy: 我咁大個女都未玩過大富翁...眾人既反應: o下?!!!??唔係化...
電子版?! wow!!!
＼ 開始!!
呢個時候..組員bonnie已經輸到冇黎神氣...
電訊鉅子和電訊業就是結著這種不解緣...
坐擁5xM的組長成為最後的大贏家
組長生日快樂!!
No comments:
Post a Comment